Ақтөбе облысының білім беру басқармасы, Ырғыз ауданының  білім бөлімінің «Ы.Алтынсарин атындағы жалпы білім беретін орта мектебі» КММ, Ақтөбе облысы, Ырғыз ауданы, Ырғыз селосы, Жангелді көшесі 1, 030400, қабылдау бөлмесі-7 (71343, 21213  Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.  

1. Бастауыш сынып пәні мұғалімі (екінші сынып) – 15 сағат, зейнетке шыққан педагогтің орнына бос лауазымды жұмыс.
2. Мұғалімнің лауазымдық міндеттері:
3. Мектептегі оқу-тәрбие процесін ұйымдастыруға оңтайлы жағдай жасайды. Жалпыға бірдей орта білім туралы заңның орындалуын қамтамасыз етеді.
4. Оқытылатын пәннің ерекшеліктерін ескере отырып, оқушыларды оқыту мен тәрбиелеуді жүзеге асырады, оқу жүктемесінің бөлінуі бойынша өзіне бекітілген сыныптарда сабақ жүргізеді, сабақ барысында тәртіпті қамтамасыз етеді.
5. Мектепте қолданылатын білім беру бағдарламаларын оқу жоспарына, өзінің сабақ жоспарына және сабақ кестесіне сәйкес жүзеге асырады; әртүрлі әдіс-тәсілдерді және оқыту құралдарын пайдаланады.
6. Мемлекеттік білім беру стандартының талаптарына сәйкес келетін білім алушылардың дайындық деңгейін қамтамасыз етеді.
7. Оқу-тәрбие процесін жетілдіру бойынша ұсыныстар енгізеді, мектептің педагогикалық кеңесінің жұмысына қатысады.
8. Еңбекті қорғау, қауіпсіздік техникасы және өрттен қорғау ережелері мен нормаларын сақтайды, оқу процесінде оқушылардың өмірі мен денсаулығын қорғауды қамтамасыз етеді.
9. Әрбір жазатайым оқиғаны мектеп басшылығына дер кезінде хабарлайды, алғашқы медициналық көмек көрсету шараларын қолданады.
10. Еңбекті қорғау бойынша ережелердің (нұсқаулардың) сақталуын бақылайды.
11. Сынып құжаттамасын белгіленген тәртіпте жүргізеді, оқушылардың сабаққа қатысуы мен үлгерімін қадағалайды, есеп беру мәліметтерін мектеп әкімшілігіне уақытылы тапсырады.
12. Мұғалімнің әлеуметтік мәртебесіне сәйкес мектепте, үйде, қоғамдық орындарда өзін-өзі ұстаудың этикалық нормаларын сақтайды.
13. Педагог қызметкерлердің үлгілік біліктілік сипаттамаларында бекітілген үміткерге қойылатын біліктілік талаптары
14. Құжаттарды қабылдау мерзімі: 03.01.2023 бастап 09.01.2023 ж. дейін.
15. Құжаттар тізімі:

1) осы Ережелерге 10-қосымшаға сәйкес үлгі бойынша қоса берілетін құжаттардың тізбесі көрсетілген конкурсқа қатысуға өтініш;

2) жеке басын куәландыратын құжат немесе цифрлық құжаттама қызметінің электрондық құжаты (сәйкестендіру үшін);

3) Толтырылған жеке кадрлық есеп парағы (нақты тұрғылықты жерінің мекенжайы мен байланыс телефондары – бар болса);

4) Педагог қызметкерлердің үлгілік біліктілік сипаттамаларында бекітілген лауазымға қойылатын біліктілік талаптарына сәйкес білімі туралы құжаттардың көшірмелері;

5) еңбек қызметін растайтын құжаттың көшірмесі (бар болса);

6) «Денсаулық сақтау саласындағы есепке алу құжаттамасы нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген үлгі бойынша денсаулық жағдайы туралы анықтама (№ 21579 нормативтік құқықтық актілерді мемлекеттік тіркеу тізілімінде тіркелген);

7) Психоневрологиялық ұйымнан анықтама;

8) Наркологиялық ұйымнан анықтама;

9) Ұлттық біліктілік тестілеуінің сертификаты (бұдан әрі – ҰБТ) немесе педагог-модератор, педагог-сарапшы, педагог-зерттеуші, педагог-шебер біліктілік санаты туралы куәлік (бар болса);  

10) 11-қосымшаға сәйкес үлгі бойынша бос немесе уақытша бос педагог лауазымына орналасуға үміткердің толтырылған бағалау парағы.